للاسف كان مجال الشبكات فى عصره الاول عندما قمت بنشره
الاعتمام بانها هواية بحبها مهما كلفتنى من فلوس بعملها
كل يوم اتعلم جديد واعلمه للناس
لدرجة انى مكنتش اكسب جنيه والله العظيم من شبكتى
فى مقابل انى اشترى جهاز واشرحه واحس انى عرفت اشغله وعملت حاجة
الان الوضع اختلف تماما
المنظور بقى تجارى بحت
وانا قلت التجارى ده مش هايكمل فى الشغلانة مع اول وقعة هايبيع حاجته
وبالفعل نص الشبكات اللى قايمة على الربح الفورى
ومعندوش اى معلومات عن ادارة الشبكات والازمات
خرج منها وباع اجهزته نهائيا
نيجى بقى لشق تانى ظهر فى وسط اصحاب الشبكات
علشان نبقى على نور ((اتصالات))اتقفلت نهائيا زى لينك
وبقى الاستخدام العادل عليها فشيخ
هاتفنى العديد ان معاهم اتصالات مفتوحة
اعلنت وجربت فى خط الشبكة الخاص بى
وفوجئت بالكارثة اللى منعدمى الاخلاق والدين بيعملوها معاكم
بيتم ضرب بطاقة اى شخص
وشراء جيجات بفواتير مؤجلة وتتضاف على حساب الغلبان
والله الاف مؤلفة بتبقى انت مطالب بيها
فيه اسامى كتير جدا انا مش هاذكرها
انا هاسيبكم بنفسكم تنزلوا الفرع او تتصلو بالشركة
وتعرفوا فواتيركم كام
مش شرط تبقى مشترك دلوقتى
ممكن تكون اشتركت قبل كده واشتغلوا على بطاقتك؟؟
مش قادر اوصف بصراحة شعورى لتدنى موضوع شغلتنا للدرجة دى؟..
حرامية وقطاع طرق وبلطجية؟..هى دى ماالت اليه اغلب الشبكات
اتمنى من الناس فورا التاكد
ومعلومة نهائية مافيش حاجة شغالة فى اتصالات اكيدة الان
الحاجة الوحيدة اللى جارى تجربتها يوزر 2 ميجا يتم شراؤه
طيب ازاى اشغل ال 10 ميجا؟..
بعمل الروتر بريدج وبدخل احط 5 يوزرات ب 5 كونكشن علشان احصل على 2 ميجا
ودى كمان غير مؤكدة الا لما اجربها واشوف الوضع ايه؟..
لايسعنى فى النهاية الا قول حسبنا الله ونعم الوكيل
فى اللى قلبوا احلى مهنة فى حياتى الى تجارة بشكل بشع
لاحول ولا قوة الا بالله
يرجى فورا موافاتنا من الناس اللى شغالة اتصالات باسماء الموزعين
اللى عملوا معاهم حاجة زى كده
علشان غيركم يلحقوا نفسهم
تحياتى لكم
شادى سوفت
إرسال تعليق