السلام عليكم ورحمه الله وبركاته
النهارده هندردش مع بعض فى احتكار تى اى داتا للانترنت فى مصر وقتل جميع الشركات الاخرى وخصوصا الفتره الجايه الى يتلغى فيها كل الخطوط النحاس
البدايه: فكرت انا وصحبى اننا نعمل شركه موزعه للانترنت وخصوصا المنطقه عندنا من المناطق المحرومه من الانترنت
اتصلت ب (x) فى شركه اى ام وقولت بقى هروح اديله رقم ويبداء يشغلى الانترنت عليه وابداء اوزع واخد نسبتى منه والدنيا تحلو
الرجل بصراحه طلع زوق ورحب بيا جدا وخد الرقم وتمام التمام وخلاص المفروض يجرب لخط ويقولى رئيه بالمنطقه ايه
وسلام سلام هكلمك بكره(مر يوم فى التانى)اتصلت بيه ازيك باشا ايه الاخبار
الباشا:والله ياستاذ احمد والله النت عندك مش هيشتغل خالص بالنسبه للشركه بتاعتنا لان اتى اى داتا واخده الموضوع لحسبها عشان المصريه للاتصالات صارفه ومكلفه وبالتالى تى اى داتا الدارع اليمين بتاعها وكمان القومى لتنظيم الاتصالات معهم يبقى الدنيا تمام وزى الفل والاحتكار على اخره
انا:طيب ايه العمل باشا
الباشا: ولا اى عمل
انا : شكرا باشا مع السلامه
............................................................................
قولت خلاص هتصل باتصالات وخصوصا بقى المدير الى ماسك الموزعين معرفه وهيظبط الدنيا ظبت معاه ميعاد ورحتله
ازيك احمد ايه الاخبار عاوز ايه
(شرحتله الموضوع وقبل مكمل الموضوع قالى ده اسمه فايبر كابينه)والمصريه للاتصالات وخداه احتكار وهتديه لتى اى داتا
طيب والعمل باشا لا معلش مش هقدر اعملك حاجه ومات الامل فى الانترنت فى مصر ومات التنافس وباتت الصفه الاحتكاريه هى السمه الغالبه على الانترنت فى مصر ...
..........................................................................................
قريت شويه وانا بقرا عن الموضوع لقيت الموضوع ده فى الوفد
وده لينك الخبر اضغط هنا
تحليل هام جدا لما جاء باجتماع القومى لتنظيم الاتصالات
قد اجتمع الجهاز القومى لتنظيم الاتصالات برئاسه المهندس هشام العلايلى مع شركات الإنترنت لبحث مستوى جودة الخدمات المقدمة للمستخدمين لرفع كفاءة خدمات الإنترنت، حيث تمت مناقشة أسباب تدنى الخدمات في الفترات الأخيرة ببعض المناطق
التراضى مع الشركات
.اتفق الجهاز مع شركات الانترنت لتقديم تفاصيل وتقرير عن المناطق التى تعانى من سوء فى خدمه الانترنت
(شكل كده كان قصده على مصر كلها)
تى اى داتا وحلها للمشكله
وفى نفس السياق، أكد المهندس محمد النواوى، رئيس الشركة المصرية للاتصالات أن الشركة المصرية لنقل البيانات «تى إى داتا» الخاصة بتقديم خدمات الانترنت تتابع باهتمام آراء العملاء، وترصد مقترحاتهم على شبكة الانترنت، وتقوم بتحليل ودراسة هذه المقترحات والشكاوى، وتحرص على تلبية احتياجات وتطلعات عملائها من خلال تحديث وتطوير البنية التحتية وتزويدها بأحدث التقنيات.
اهم جزء
وأن الشركة المصرية للاتصالات لديها خطة طموحة لتحديث 4 ملايين خط تليفون بنهاية العام المقبل، موضحة أن هذا التحديث سيتضمن إحلال الخطوط «الفايبر» في كابينة السنترالات محل الخطوط النحاسية، مما سيسهم في زيادة السرعات للمشتركين تباعاً، وسيؤدى إلى تحسن كبير في جودة الخدمة.
وأكدت الشركة المصرية للاتصالات أنها ستبدأ في عملية التحديث والإحلال والتجديد في القريب العاجل، مشيرة إلى أن «تى إى داتا» لديها حزمة من العروض المتنوعة التي تلبى مختلف احتياجات العملاء بسرعات عالية جداً وبأسعار تنافسية، ومن بينها عرض «طلقة» الذي يمنح المشترك سرعات أعلى بأسعار منخفضة.
.................................................................................................................................
يعنى اى شركه اخرى فى مصر بعد الخبر ده هتبيع عيش وتى اى داتا هى الى هتبقى المتحكم الاول فى الانترنت فى مصر لقتره ليست بالقريبه....
وقال ايه احنا هنطور الانترنت فى مصرومازال البحث جارى فى مصر عن كيفيه مص دم الغالبه .....
مش زى انجلترا الى بتطور الانترنت الى سرعات بالتيرا
وده الخبر اضغط هنا.........
اسف على الاطاله ولكن هذا هو حال الانترنت فى مصر
احتكار, تى, اى, داتا, للانترنت ,فى ,مصر, بعد, تحويل, جميع ,الكباين, لفيبر ,عن طريق, المصريه, للاتصالات,tedata,egypt telcom,fiber,cabena,internet
إرسال تعليق