السلام عليكم الاعضاء الكرام..
انتشر فى الاونة الاخيرة فيديو فضيحة الانترنت فى مصر...
الفيديو معمول بطريقة رائعة جدا جدا...
الفيديو يتحدث عن واقع اجنبى فعلى وواقع مصرى فعلى...
نتكلم عن النقط الهامة بالفيديو...
(1) تم مقارنة بين بريطانيا ومصر فى الانترنت (دولة من دول العالم الثالث المتخلفة ودولة من اقوى الدول المتقدمة التى
تقدر شعبها وتقدر مقدرات شعبها وتقدر مجال الانتاج والتجارة الاليكترونية)
لو انتوا شايفين انكم عاوزين المقارنة بين بريطانيا ومصر يبقى تتم فى كافة المجالات وليس فى مجال الانترنت فقط
لو حد له راى تانى نرجو وضعه فى تعليق على المدونة
(2) تم مقارنة بين السعر هنا وهنا وطبعا كلنا عارفين حال الجنيه المصرى اللى من يوم ماغطس فى بلاعة المجارى
معدش طلع لنا تانى وجارى البحث عنه.؟؟؟؟
(3) قرائتك موضوعى ووصلت للسطر ده انت صاحب شبكة يعنى المستفيد الاول والاخير مما تفعله بنا شركات الانترنت
مش كده ولا ايه؟..
(4)يوم مانتجمع علشان نناهض شركات الانترنت يبقى انت بتتجمع علشان تسلم شبكتك وشغلك ده للحكومة
اعطهم حقهم علشان يدوك حقك
احنا فى نظر حكومتنا غير شرعيين يبقى يوم ماتروح تطلب بحقك الشرعى اسلك مسلك الشرعية
يبقى الصحيح اننا نثور على نظام احتكار الشركات ونطالب بتراخيص لنا والاعتراف بنا وبالكيان بتاعنا كموزعى
انترنت للمنازل...
بدل ماتسرقنى وتقولى انا عامل لك عرض بيع لى الانترنت غالى بس نضيف اقدر اوزع منه واكسب منه وانت تكسب
(5) من اقوى المستحيلات كل البيوت فى مصر تشتغل مع الشركات دايركت وهما عارفين كده والحكومة عارفة كده
وعلشان كده سايبينا واوعى تفكر انهم ميقدروش يوقفوا مهزلة الشبكات دى على حد تعبيرههم
ابسط فعل هايتم مراقبة الخطوط وكنسلتها نهائيا وده كفيل بتدمير نص شبكات مصر فى خلال شهرين
لكن مش بيعملوا كده واسال نفسك انت وهو ليه سايبينا؟..(علشان تشترى وتدمج ياغالى)
اشترى .....زود....ادمج...اشترى تانى....زود ....ادمج....الشركة تكسب فوق الخيال
(6)متلومش شركة الانترنت وحدها...لو عاوز تقوم بثورة ..ثور على البنية التحتية اللى انت متملكهاش اصلا
هى مجرد كلمة بنقولها سوا لكن البنية التحتية دى اللى يملكها بريطانيا والدول الاجنبية اللى تم المقارنة معاها
كام واحد فى مصر خطه يشيل 4 ميجا او 8 ميجا؟؟؟؟؟؟؟؟؟؟؟؟؟؟؟؟طب السبب ايه؟..تهالك البنية الفوقانية والتحتية
تقريبا البنية التحتية عندنا عندها تسلخات وعاوزة بودرة تلك علشان الحكة!!!!!!!!!!!!
عاوز تحسن وضع الانترنت فى مصر ابدء بالاتى..
(1) تحسين وضع موزعى الانترنت الذين يتم معاملتهم (حرامية غسيل بيتنططوا فوق السطوح ولو اتقفشوا خربت الشبكة)
(2) الاعتراف بفئة موزعى الانترنت اصحاب الشبكات اللى هما اشرنا لهم فى السطر السابق
(3) تراخيص والسماح بدخول اجهزة الوايرليس علشان سعرها الجبار هنا عن موقعها
عاملنى انا والفئة دى رسمى واعطينى حقى وخد حقك كامل مش بالعروض ...لالالالالالا بالانترنت النضيف على قد ماتقدر
(4) فتح المجال للخدمات الفضائية فى الانترنت وقيام شركة انترنت مصرية تتخصص فى ذلك بدون متاجرة على الشعب
طالما الارضى بتاعك مفشوخ نشوف الفضائى (واكيد الحجة هاتطلع فى خرم الاوزون انه ضيق وميستحملش انترنت كتير)
الارهاب اللى بيحصل وفيدوهات التحريض على العنف يتم نشرها من خلال شبكتى وشبكتك لو الحكومة رخصت لى
ورخصت لك واخدت معلومات كاملة عن المشتركين وده طبعا يستحيل يضايقنى انا وانت يبقى المخرب فى 10 دقايق
هايكون فى قبضتهم لانهم عندهم معولمات كاملة وده يحميك انت كمان لانه لو جابوه بالايبى فى ظل الظروف الراهنة
يبقى اللى عمل العمل ده انت مش المشترك لان الايبى اللى بيتجاب يخصك انت مش غيرك ولا يحق لك طبقا للقانون
توزيع الوصلة الخاصة..
فى النهاية انا مقصدى ان الثورة تتم لصالحنا نحن اولا ثم تحسين الخدمات ثانيا..
خلى الناس تقوم بثورة بكرة الصبح..
نص الثوار اصحاب شبكات ..نسمع فى التلفزيون مداهمات للشبكات ومصادرة اجهزة توزيع انترنت لاسلكى ممنوعة
والنص التانى خطوطه الارضية لاتحتمل خط يزيد عن 1 ميجا يبقى ولا كانك عملت حاجة..
اتكلموا شوية بالعقل
حتى لو نجحت الثورة دى ارجع انت بقى لم سلوكك لان كل البلد هايدخل لكل بيت وده مستحيل انترنت نضيف طبقا
لمطالب الثورة (لا الارض ولا الكابلات ولا السنترالات هاتقدر تعلم اللى بتحكوا فيه ده)
فيه ناس كتير هاتقول علشان انتم اصحبا شبكات المستفيدين الاول والاخير من الاحتكار ده؟...
هانقول احنا بندور على حلول معقولة طالما مطلب الشرعية والاعتراف بنا مش هايتحقق الا فى 3015 الساعة 12 الظهر
هاندور احنا على حلول اخرى وربنا يسهل هايبقى ده التحرك الحقيقى للخروج من عنق ام الزجاجة..
الموضوع معقد..
الموضوع معقد
الموضوع معقد
مابين الحكومة وشركات الانترنت وموزعى الوصلات ومستفيدى موزعى الوصلات
احنا بنعمل فكرة اتمنى ننجح فيها ساعتها انا عارف ان الدنيا هاتقوم متقعدش بس هاتبقى ضربة موجعة لشركات الانترنت
عاوزك تقرء البوسط ده لشركة لينك وتى داتا
الباقة دي بـتضر بـصحة النـاس أذا شغلوها ..؟؟ لا ..
حلو ،، يعني لا ضرر منهـا ولا ضرار ..
ايوة بس دة نصـب وغـش ..
لا ،، الغش هو التحايل عـلي اعطاء صفـة الجودة لشئ غير جيد ،،
أحنـا هنا بقـي ،،، بـنعمل العكـــس ..
العكس ..؟!! ، طبعــــاً ..
احنا هنا بندي للناس شئ غير ضار في صورة الشئ الضار الي هما متعودين عليه ،
وفـي نفس الوقت ،،، بنحميهـم من الضرر ..
وبنسرق فلوسهم ..!
لا ،، بنـاخد تمن الباقة .. وحماية صحتهم من أضرار النت الزيادة ،،
بالظبط يـا اخي زي ما الدكتور بياخد تمن الفوزيتــه ..
عاوز تبيع 40 جيجا ب 380 جنيه وتقولي تمن الفوزيتة يا حرامي ..!!
طبعـاً .. ماهو احنا منقدرش نبيع بـ أقل من كدة ،
علشان الزبون يثق في الصنف ويُقبل عليه ،
احنا مقيدين بـ أسعار السوق العالمية يا دكتور ،، أله ..!!
سوق السفالة والاستغلال ..!
الاستغلال اصبح عرف في جميع الاسواق يا دكتور ،
قولي قولي مين النهاردة مبيشتغلش مين ..؟!!
اهو هو دة بقي الي جايبنا ورا ..!
موازين الدنيا اتغيرت يا ابو صلاح ، محدش دلوقتي بيوزن بـ الحق والعدل والرحمة ،
السنج اتغيـرت ،،، زي الرطل ما اتغير وبقي كيلو ..
لا سيبك من منطق الجشع ده ..
الجشع ،، هو انتهاز فرصة احتياج الناس لـ اساسيات حياتهم ،
وفرض اضعاف مضاعفة لقيمتها الحقيقية ..
ماهو دة الي انت عاوز تعمله ..!!
لا النت مش من اساسيات الحياة ، لاهو سكن ولا كسا ولا غذا وممكن الاستغناء عنه
دلوقتي بتقول كدة ..؟!! ،،، اله ،، مش دة رأيك ..؟؟! ، الي انت مش مقتنع بيه .!
اقتنـاعي الشخصي من عـدمه ،، لا يغير من الحقيقة في شئ ..
ايـة ياض البلاغة والمنطق دة كلة ، امال مفلحتش ليه في كلية الحقوق .؟!!
كليــة الحقوق هـي الي مفلحتش معايا ، خسرتني ..
دة انت كارثة ، عيب يا ابو صلاح دة احنا الي بروكنا الباري جوا الشباري بالدهلكة ..
وبدلا من اننا نخسرهم 1.5 مليار دولار زى مابيقولوا تبقى الخسارة مدمرة وساعتها الدولة مش هاتسكت لان السرقة
بتاعة الشركات دى هى اللى الدولة بتصرف منها
الفكرة هنا
إرسال تعليق