السلام عليكم ورحمة الله وبركاته
حرف واحد فقط يدمر لك شبكتك بالكامل تخيل دى؟..
حرف ال S فى بداية اسم الموقع...
نظام تشفير جديد استعمله الفيس بوك اولا وانتقل ثانيا الى جوجل والى يوتيوب وجارى تعميمه على كافة المواقع على الشبكة
العنكبوتية الانترنت..
الطامة الكبرى ان الميكروتيك لايدعمه فى تسجيل المشترك فى صفحة الهوتسبوت لما يجى يدخل اليوزر والباص
ازاى ؟..
افهمها لك واحدة واحدة..
دلوقت جوجل بقى بيكتب فى الاول https://www.google.com
العميل بيعمله صفحته الرئيسية طبعا...لما يقفل ويفتح ويجى يسجل دخول تانى..الميكروتيك بيطلع له صفحة بيضاء كأن النت فاصل
يعنى العميل هوبا هايروح سالف ال 3 جنيه ويقضيهم عليك رن واتصالات من تليفونه ياريس ولو غلب معاك هايبعت لك 3 كلمنى
شكرا يعنى وراك وراك ياجميل ويشتغل الصداع...
مش عميل واحد على فكرة ده يمكن الشبكة كلها
الوحيد اللى هايبقى شغال ..الباى باس واللى عامل صفحته الرئيسية كده www.google.com
ياترى انت عارف حجم المشكلة دى ايه؟؟؟ والله لسه مش هاتحس الا لما تقع فيها وتبدء الاتصالات وتفكر ان الميكروتيك فيه مشكلة
ساعتها هاترجع للموضوع ده وهاتضطر انك تطبقه..يبقى الاولى انك تطبقه دلوقت ..
طيب نبدء نفهم كده ايه نظام تشفير المواقع الجديد ده؟..
توضيح للناس الفرق بين ال http و ال https
لاولانى فى حاله ادخال اليوذر نيم و الباسورد الكلام ده هيمشى من جهازك للسيرفر ( فى السلك ) بدون تشفير و يسمى
clear TXT
يعنى لو هاكر فى النص ممكن يشوف الباسورد و هيا ماشيه بكل سهوله
اما فى ال https الباسورد هتمشى فى السلك متشفره
يعنى لو هاكر قدر يشوفها مش هيفهم منها حاجه , و التشفير يتم عن طريق الشهاده
نفهم بقا يعنى ايه شهاده و ليه المتصفح بقولك ديه غير موثوق فيها
طب لما بفتح الفيسيبوك او الياهو ليه الشهاده سليمه ؟ و مفيش تحذير
الى بيصدر الشهاده سيرفر بنسميه certificate authority , و الاختصار CA
ال CA نفسه ليه شهاده خاصه بيه
لو معمولها Insert عندك فى الوندوز يبقى اى شهاده تطلع منه الجهاز بتاعك هيبقى واثق فيها و مش هيطلعلك تحذير
و لو مش معمول Insert لل CA يبقى هيطلعلك تحذير
اى شهاده ليها تاريخ اصدار و مده صلاحيه علشان كده خد بالك من الساعه
لو خليك التاريخ عندك سنهه 2000 و فتح الفيسبوك هيطلعلك التحذير لان الشهاده تاريخ اصدارها هيكون بعد 2000 اكيد
علشان كده لو بتفتح موقع بنك و بتدخل على الحساب بتاعك لازم بيكون فى شهاده اكيـــــــــــــــــــــد
بالنسبه للميكروتك مش معقول هنشتريله شهاده ب 300 دولار فى السنه فنعمل الموضوع الى فى اللنك فوق - ممكن تضيف شهاده
ال CA فى الوندوز و مش هيطلعلك تحذير
بالنسبه للسرفرات الاون لاين الى بتبيع شهادات هتلاقيها موجوده فى الوندوز
اكتب فى الرن
certmgr.msc
طيب الحل مع الميكروتيك هاتعمله فى 5 دقايق فقط عبر الشرح اللى فى الفيديو
شاهد الفيديو
تمام كده بعد الفيديو بقى يجى دور اهم حاجة الملفات..
تحياتى لكم شادى سوفت
إرسال تعليق
EmoticonClick to see the code!
To insert emoticon you must added at least one space before the code.