السلام عليكم ورحمة الله وبركاته..
تعودنا دوما على الجديد ..
ودوما الجديد والمفيد هو ان تبقى شبكتك فى احسن حال...ويكون الاداء عالى جدا مع المشتركين...
ناس كتير دخلت شغلانة الشبكات بشغل التكاتك...ازاى؟؟...اقولك ان...
المعروف انك لما تدخل شغلانة لازم تبقى فاهم او على اتلاقل عندك استعداد للفهم الدنيا جواه عاملة ازاى؟...
لكن للاسف وجدت العديد كل مفهومهم عن الميكروتيك انه يضيف احمد ويشيل احمد...والسلام عليكم
لا والادهى من كده انك ممكن تلاقى واحد مشترك عندك كان سواق على تكتك قام الصبح جاب روتر 1 ميجا....
وهوبا راح جايب له كرتونة سلك ام 60 جنيه وشد ل 5 ولا 6 من اصحابه اللى كانوا معاك فى الشبكة برضه كام وصلة..
وحاسبهم المتر بجنيه باع الكرتونة ب 305 جنيه + التركيب وخد من كل واحد اشتراك 40 جنيه ومفهمهم انهم موزعين فلوس
الخط على بعض...
وعلشانه سواق تكتك راح عامل صفحة هوتسبوت فيها ال 256 لون الموجودين فى الدنيا...ويروح لاطع لهم بقى على الصفحة
الحكم والعظات المعروفة عن سواقين التكاتك شوف بقى هايكتب ايه؟
تدفع اشتراكى أقدرك، تقلبنى أعورك
الشبكة لما تتدلع، تخلى الكمبيوتر يولع
ما تبحلقش كده يا لوح، دي جت بطلوع الروووح
حملوا بالراحه يابهايم، أصل صاحب الشبكة نايم
الحلوه خوخه ،جت بعد دوخه
الحلوه تفاحه، للسفر والسياحه
دلعها فى الفيديوهات، وريحها على الشات
متقولش دى بكام دى جايه بدهب المدام
ان نام السبع ،شويه كــلاب يكلوه
لما كنت عصفور كلونى، ولما بقيت اسد صاحبونى
تشترك اسليك , تسينى اولع فيك
ما تزعليش يا اموره بكره مشتركينك مايكفيهمش مقطوره
الشبكة معمولة فى حلوان وصاحبها راجل غلبان
عدى واجرى على اخرك وعند الكمين الرادار هايقابلك
خدي بالك من الشبكة و الواد، أنا نازل يا سعاد
حلوة ومتلمعه وبسرعتها متشخلعه
ههههههههههههههه
انا مش بهزر دى وقائع موجودة بجد....
المهم نيجى بقى لك انت لو عاوز تبقى صاحب شبكة تمام..
(1) فيس بوك عسلية ومهلبية يفتح فى ثانية والناس ليل ونهار تشكر فيا....حصل يامعلمى
(2) يوتيوب محصلش على اقل سرعة الفيديو يطير يطير يطير....حصل يامعلمى
(3)ام المزرعة السعيدة عاوزينها فشيخة وياريت تخلص لهم انت كمان الليفلات وتحمى البهايم وتلم البيض....دى مش هاعرف
اعملها اوى...بس خليتها لك بسرعة جبااااااااااااااااااااااااااااااارة تفتح برمشة عينك
(4)التصفح بقى يابرنس البرانيس...مش عاوز اقولك....عاوزه بدل ميكتب اسم الموقع يفكر فيه بس يلاقيه اتحمل؟...اهى دى
برضه واسعة شويتين...بس انا خليتها لك خل؟..ههههههههههه...قصدى خليتها لك 100 100 هاتشوف بنفسك
وحاجات كتير جدا هاتكتشفوها بنفسكم داخل شرح الفيديو الحصرى ده
ومننساش تحميل الرولات ونعمل زى الفيديو ماشرح...
تحياتى لكم شادى سوفت
إرسال تعليق